Mu gihe habura imikino ibarirwa ku ntoki ngo Shampiyona ya Espagne “La Liga” irangire, ikipe ya Atletico Madrid, yigaragaje cyane uyu mwaka yaba muri marushanwa y’amakipe yabaye aya mbere iwayo ku mugabane w’I Burayi ”Uefa Champion’s league” no muri shampiyona y’iwabo irasabwa byinshi ngo ibe yakwegukana ibi bikombe byombi.

m_Atletico Madrid ikomeje gutera intambwe igana ku gikombe cya Shampiyona

Atletico Madrid iracyasabwa imbaraga nyinshi ngo yegukane igikome cya shampiyona ya Espagne kandi inakomeze muri champion’s league

Kuri ubu, nyuma yo gutsinda bigoranye FC Valens igitego 1-0 muri weekend ishize,Atletico Madrid yahise igira amanota 88,aho irusha Real Madrid igifite ikirarane itarakina amanota agera kuri 6 yose.

Iyi kipe kandi ikaba irusha ikipe ya FC Barcelone,binafite umukino bizanahuramo mu mikino isigaye amanota agera kuri 4,kuko kuri ubu Barcelone ifite amanota 84 gusa.

Kuri ubu,uretse Barcelone yasezerewe na Atletico Madrid muri ¼ cy’irangiza mu mikino y’amakipe yabaye aba mbere iwayo “uefa champion’s league”,andi makipe nka Real Madrid na Atletico Madrid,aracyari muri ½ aho kuri uyu wa 29 Mata 2014, Real Madrid iri bwisobanure na Bayern Munich mu guhatanira itike yo kugera ku mukino wa nyuma muri iri rushanwa.

m_Atletico Madrid ikomeje gutera intambwe igana ku gikombe cya Shampiyona1

Haracyategerejwe ikipe 2 zizahurira ku mukino wa nyuma hagati ya Bayern Munich,Atletico Madrid,FC Chelsea na Real Madrid kugira ngo hazagire iyegukana Champion’s league kuwa 11 Mata 2014 I Lisbone muri Portugal

Atletico Madrid nayo ikazahatana na Chelsea kuri uyu wa 30 Mata 2014. Ikipe 2 zizarokoka mu makipe ane ariyo Atletico Madrid,Real Madrid,Bayern Munich ndetse na Chelsea zikazahatanira igikombe cya Uefa champion’s league ku mugabane w’I Burayi.

Madrid ikaba isabwa guhagarara ku gitego yatsindiye Bayern Munich iwayo cyangwa se igatsinda n’ibindi,mu gihe Bayern iba nayo ishaka kwishyura ikanatsinda ngo ibashe kuzagera ku mukino wa nyuma,ibe yakwisubiza igikombe yari yegukanye umwaka ushize.

Share Button