Nyuma yo gutsinda kwa FC Barcelone

Real Madrid yabashije gutsinda Osasuna ibifashijwemo na Jese ndetse na Karim Benzema

Igikombe cy’umwami cyo muri Espagne, kuri uyu wa 9 Mutarama 2014, cyarakomeje mu mikino ya 1/8 cy’irangiza. Ikipe ya FC Real Madrid ikaba yaraye itsinze Osasuna ibitego 2-0 ni  nyuma y’aho ikipe ya FC Barcelone itsindiye Getafe ibitego 4-0, mu ijoro ryo kuri uyu wa 8 Mutarama 2014.

Ikipe ya Real Madrid yari iri ku kibuga cyayo ikaba yatsinze  Osasuna ibifashijwemo n’abakinnyi bayo barimo Karim Benzema ku munota wa19 w’umukino ndetse na Jese ku munota wa 60.

Muri uyu mukino kizigenza wa Real Madrid akaba nta gitego yabashije gutsindamo mu gihe Messi wari umaze igihe mu mvune we yayivuyemo agahita atsinda  ibitego 2 mu mukino yakinnye kuri uyu wa 8 Mutarama batsinda Getafe.

Mu yindi mikino yaraye ibaye mu marushanwa y’igikombe cy’umwami Copa Del Rey muri Espagne ikipe ya Real Sociedad ikaba yanganije na Villarreal 0-0, mu gihe Rayo vallecano nayo yanganije na Levante 0-0.Imikino yo kwishyura muri  1/8 cy’irangiza ikazakinwa ku italiki ya 15-16  Mutarama 2014.

Share Button