Aha Umuzamu wa Sunderland Mannone n’abakinnyi bagenzi be bishimiraga gusezerera Manchester ku kibuga cyayo

Aha Umuzamu wa Sunderland Mannone n’abakinnyi bagenzi be bishimiraga gusezerera Manchester ku kibuga cyayo

Ikipe ya Manchester United, ku kibuga cyayo Old Trafford yasezerewe n’ikipe ya Sunderland kuri penaliti 2 kuri 1.

Ni nyuma y’aho umukino waje kurangira hongeweho n’inyongera, ari ibitego 2 bya Manchester United  kuri 1  cya Sunderland ,ariko mu mukino ubanza Sunderland ikaba yari yatsinze Manchester United ibitego 2-1.

Nyuma y’aho umukino warangiye amakipe yombi anganya,hakurikiyeho gukizwa na Penaliti. Icyatangaje abantu benshi barimo n’abarebaga uyu mukino,ni ukubona ikipe ya Manchester United ihusaha penaliti 4 zose muri 5 yateye.

Ibi byatangaje benshi banemeza ko iyi kipe igeze mu marembera yayo. Si kuri Manchester gusa,no kuri sunderland bahushije 3,bituma ziba penaliti 7 zahushijwe mu mukino wakinwe hagati y’aya makipe yombi.

Dore abakinnyi bahushije penaliti. Ku ruhande rwa Manchester United Danny Welbeck,Adnan Januzaj,Phil Jones na Raphael bahushije penaliti. Uwayinjije rukumbi ni Darren Fletcher.

Ku ruhande rw’ikipe ya Sunderland yabashije kwinjiza penaliti 2 zayifashije gusezerera Manchester United,Craig Gardner,Stiven Fletcher na Adam Jonson bazihushije. Naho Marcos Alonso na Ki sung Yueng barazinjiza zinatuma basezerera Manchester United.

Ikipe ya Sunderland ikaba ariyo izahurira ku mukino wa nyuma n’ikipe ya Manchester City yatsinze biyoroheye West Ham ibitego 9-0 mu mikino yombi,ubanza n’uwo kwishyura. Benshi bakaba baha ikipe ya Manchester City amahirwe yo gutwara igikombe cya Capital One cup bitewe n’imyitwarire igaragaza mu Bwongereza.

Share Button