Muri week end y’icyumweru gishize, imikino ya Shampiyona ku mugabane w’I Burayi mu Bihugu bitandukanye yari yakomeje. Ku birebana na Shampiyona y’igihugu cy’Ubwongereza ‘premier league”,iyo uvuze ikipe ya Manchester United ku bafana bayo,usanga bahita bumva gutsindwa bimaze kuba akamenyero ku ikipe yabo mu gihe izindi zikomeye zikomeje gutsinda.

Umwe mu bafana b’ikipe ya Manchester United akaba n’umucuruzi muri santire ya Mukamira izwi kw’izina rya “Fadasoni” ,avuga ko kuri ubu agiye kureka gufana bitewe n’aho ikipe ya Manchester United yavuye n’aho igeze ubu.

Yongeraho ko ku muntu uyikunda arwara umutima rwose muri ibi bihe yahora arwaye kuko igisigaye gitungurana ari ugutsinda kwayo naho gutsindwa bikaba bimaze kuba akamenyero.

Mubajije impamvu yiyise “Fadasoni”ubusanzwe atari ryo zina rye,yagize ati “ Sir Alex Fadasoni ni umutoza mwiza,nk’abafana ba Manchester United tuzahora twibuka ibihe byose,yaduhesheje ishema ku yandi makipe,atwara ibikombe byinshi bituma numva ari umugabo w’ikitegererezo kandi wesa imihigo nakwiyitirira.

Ni nyuma y’aho ikipe ya Manchester United ikomeje gutsindwa n’amakipe,yaba ikomeye n’iyoroheje kugeza ubwo mu ijoro ryo kuri uyu wa 19 Mutarama yatsinzwe na Chelsea ibitego 3-1 I Stamford Bridge.

Kugeza ubu,iyi kipe yakundaga kuza muri 3 za mbere mu bwongereza ari nayo ifite igikombe cya Shampiyona giheruka,ikaba ikomeje kuba mu mazi abira kuva igihe ifatiwe n’umutoza David Moyes. Kuri ubu,ikaba iri ku mwanya wa karindwi,aho iribwa insataburenge n’ikipe ya Newcastle irusha inota 1.

Ni mu gihe ikipe nka Arsenal,Chelsea,Manchester City na Tottenham zikomeje gutsinda imikino yazo kandi zigakomeza kuza mu mwanya y’imbere. Kugeza ubu Manchester ikaba irushwa amanota 14 n’ikipe ya Arsenal ya mbere muri premier league.

Barcelona ikomeje kuribwa insataburenge n’amakipe ayikurikiye ariyo Real Madrid na Atletico Madrid nyuma yo kunganya na Levante

Barcelona ikomeje kuribwa insataburenge n’amakipe ayikurikiye ariyo Real Madrid na Atletico Madrid nyuma yo kunganya na Levante

Ku rundi ruhande muri La Liga ya Espagne,ikipe ya FC Barcelone iri ku mwanya wa mbere ikomeje kotswa igitutu na Real Madrid ndetse na Atletico Madrid,kuri ubu isigaye irusha gusa inota 1 Ikipe ya Real Madrid,ikaba irusha ibitego ikipe ya Atletico Madrid binganya amanota.

Ni nyuma yo kunganya n’ikipe ya Levante 1-1, mu gihe Real Madrid yatsinze Real Betis 5-0.  Naho ikipe ya Atletico Madrid ikaba yo yaranganije n’ikipe ya Sevilla  1-1.Kuri ubu,Barcelona ni iya mbere n’amanota 51,ikayanganya na Atletico Madrid, Real Madrid ikaza ku mwanya wa 3 n’amanota 50.

Share Button