m_Amakipe 5 ya mbere afite abakinnyi bashaje n’atanu afite abakiri bato mu marushanwa ya Champions league I Burayi

Ikipe ya Anderlect yambaye move n’umweru na Ajax yambaye umweru n’umutuku,amakipe ya mbere afite abakinnyi bato muri champions league

Ikipe ya Anderlect yo mu Bubirigi ni ikipe ya mbere ifite abakinnyi bakiri batoya mu makipe arimo gukina champions league ku mugabane w’i Burayi. Mu makipe arimo afite abakinnyi bato ugereranije n’andi yitabiriye Anderlect ikaba ikurikirwa na Ajax Amsterdam yo mu Buholande, Celtic yo muri Ecosse, Borussia Dortmund  ndetse  na Schalke 04 yo mu Budage.

Ikipe ya Anderlect ikaba ifite abakinnyi bafite impuzandengo  y’imyaka 22,7,Ajax Amsterdam 23,3 ,Celtic 24,5, Borussia Dortmund 25 naho Schalke 04 nayo ikagira ikigereranyo cya 25 nk’uko tubikesha urubuga rwa interineti yahoo.

Naho ikipe nka Juventus yo mu Butaliyani ikaba ari iya mbere mu zifite abakinnyi bashaje kuko ikigereranyo cyayo ari imyaka 28,6 kuri buri mukinnyi. Iyi kipe ikurikiwe ku rutonde n’iya Zenit St Petersburg yo mu Burusiya ifite imyaka 28,5 ku mpuzandengo y’abakinnyi,ikipe ya Chelsea ikagira 28,1 inganya na Galatasalay,naho ikipe ya Manchester City ikagira 27,4.

Ikipe nka Bayern Munich ubu yibitseho igikombe cya Champions league giheruka,ikaba nayo ifite abakinnyi badashaje cyane kuko impuzandengo yayo ari imyaka 26.

 Amakipe nka Paris Saint Germain, Arsenal, Bayern Munich na Real Madrid akaba afite impuzandengo y’abakinnyi y’imyaka 26. Naho Barcelone na Manchester United zikaba zifite abafite impuzandengo y’imyaka 27.

Share Button