Mu gihe mu karere ka Ngororero havugwa ukutagira ibibuga by’imikino bihagije ndetse bamwe mubakunda siporo cyane cyane urubyiruko bakavuga ko aribyo bituma batitabira imikino kubwinshi, muri iyi minsi ibibuga 2 rukumbi byakinirwagamo imikino y’intoki ya Volley-ball na Basket –Ball mu mujyi wa Ngororero byarasenywe.

 

Rwanda | Aha niho hahoze ibibuga bya Volley na Basket

Aha niho hahoze ibibuga bya Volley na Basket

Isenywa ry’ibyo bibuga byari byubatse mu kagali ka Rususa mu murenge wa Ngororero ahazwi kwizina ryo Kurukiko rikaba ritaranyuze abakunda imikino bavuga ko baramutse batabonye ibindi byatuma imikino ikomeza kudindira.

Gusa amakuru yatugezeho avuga ko aho hantu hari hubatse ibibuga haguzwe n’umuntu wikorera kugiti cye ugiye kugashyira inyubako zijyanye n’igihe mu rwego rwo kuvugurura umujyi no kubahiriza igishushanyo mbonera nkuko cyemejwe n’inama njyanama y’akarere ka Ngororero.

Kurundi ruhande, amakuru yizewe twahawe n’umuntu ubukurikiranira hafi avuga ko ibyo bibuga bizimurwa bikubakwa ahandi hantu ariko muri uwo mujyi ku bufatanye bw’akarere ka Ngororero n’isosiyete icukura amabuye y’agaciro muri ako karere yitwa GMC (Gatumba Mining Concession), kuburyo ngo bishobora kutazatinda nubwo ababikoreshaga bo babona ko bibabangamiye.

Mu karere ka Ngororero uretse imikino imwe nimwe usanga mu bigo by’amashuli ariko hakaba n’abanyeshuli badakina kubera kutagira ibibuga, ubundi siporo ikaba ikiri inyuma kandi mu mikino myinshi mugihe abayikeneye nabo ari benshi.

   Tags for promotion ngororero-sport- Volley – Basket-ball-grounds

 

 

Share Button