Rwanda | Ntitugiye gutsindwaNyuma y’imyitozo yo ku itariki 7 gicurasi 2012 bahawe ibendera ry’igihugu,ikipe ya volleyball y’abagore ya Rwanda revenue authority(RRA) irahaguruka I Kigali kwitabira imikino ya volleyball y’amakipe yabaye aya mbere iwayo ku mugabane w’Afrika izabera muri Kenya.

Ikipe ya RRA y’abagore yatwaye igikombe cya shampiona 2011 niyo igomba guhagararira u Rwanda mu mikino nyafurika y’amakipe yabaye aya mbere iwayo. Ngo babonye ibikoresho byose bijyanye n’ubushobozi bafite kandi ngo bifitemo icyizere cyo guhangana. Ben Kagarama Bahizi, komiseri mukuru wa RRA ati” ntitugiye tugiye gutsindwa abaje mu irushanwa nabo ni abahanga nkatwe bahagarariye ibihugu byabo.”

Umwaka ushize RRA yabaye iya 8 kuko yatashye itarangije imikino bitewe nuko mu Rwanda hari hatangiye icyumeru cyo kwibuka, Jean Luc Ndayikingurukiye umutoza wa RRA ati”ubu tugiye dushaka kugera kure hashoboka (muri 1/4) duhagarariye igihugu.”Mu ikipe igomba kwerekeza muri Kenya irimo abakinnyi bashya ba RRA,Euphrasie Niyomukesha na Rosette Uwabizera gusa ikaba yaravuyemo Dolcas na Claudette nabo bari abakinnyi bakomeye.

Kugeza ubu hamaze kwiyandikisha amakipe 20 agomba gushyirwa mu matsinda ane tariki 10/5/2012.Ikipe ya APR volleyball club nayo yagombaga kujyana na RRA gusa ngo ntizitabira iyi mikino. Iyi kipe izahagaruka I Kigali tariki 9/5/2012 saa kumi z’amanywa.


 

Share Button