Umukino-Kinyarwanda, Rwanda Sports, African Football, European Football, Soccer, Rugby, Tennis, Basketball

Ikipe ya APR VC yari ihagarariye u Rwanda mu mikino nyafurika yaberaga I Sousse muri Tunisia yasezerewe ku ikubitiro itageze muri 1/8 cy’irangiza nyuma yo gutsindwa imikino itatu igatsinda ibiri.

N’ubwo APR itageze kure, yari iri mu itsinda rikomeye cyane kuko ryari ririmo Al Ahly ifite igikombe giheruka, Esperance de Tunis ifite amateka muri Volleyball ikaba yaranakiniraga mu rugo, Agosto yo muri Angola,  Inter yo muri Congo Brazzaville na GSU yo muri Kenya.

Mu mikino itanu APR yakinnye, yatsinze Inter amaseti atati ku busa, itsinda Agosto amaseti atatu ku busa ariko nayo itsindwa amaseti atatu ku busa na Al Ahly, Esperance de Tunis ndetse na GSU.

Kuba APR yaratsinzwe imikino itatu igatsinda ibiri byatumye itabasha kugaragara mu makipe abiri ya mbere mu itsinda agomba kujya kuri ¼ cy’irangiza, kuko hazamutsemo Al Ahly na Esperance de Tunis.

Gusa n’ubwo yasezerewe, mbere yo gutaha APR igomba kubanza gukina na Al Ahly Tripoli yo muri Libya mu guhatanira umwanya wa 9 kugeza ku mwanya wa 16 (Match de classement), kuko bigira akamaro mu gukora urutonde rw’uko amakipe akurikirana muri Afurika.

Andi makipe yabonye itike ya ¼ cy’irangiza ni Bouaririj yo muriAlgeria, Guish yo mu Misiri, Bejaia na yo yo muriAlgeria, Etoile du Sahel na yo muri Tuniziya, Prisons yo muriKenyana Zamalek yo mu Misiri.

Dore uko amakipe ahura muri ¼ cy’irangiza kuri uyu wa gatanu tariki ya 27 Mata:

Bouaririj (ALG) x  Guish (EGY)

Bejaia (ALG) x A Etoile du Sahel (TUN)

Ahly (EGY) x C Prisons (KEN)

Zamalek (EGY) x Esperance (TUN)

Dore uko amakipe azahura mu guhatanira umwanya wa 9-16:

Quarterfinal 9- 16 Positions

Ahly Ben Ghazi (LBY) x Mwangaza (Congo RD)

FAP (CMR) x  Sun Shine (NGR)

GSU (KEN) x Terrestre (Congo RD)

Ahly Tripoli (LBY) x APR (RWA)