Nyuma y’imyitozo yari imaze ibera mu rwunge rw’amashuli rwa Butare, Paul Ibrahim Bitok, umutoza w’ikipe y’igihugu ya volleyball, yatoranyije abakinnyi 20 bazakina igikombe cy’Afurika batarengeje imyaka 20 izaba muri nyakanga 2012.

 

Bitok avuga ko kuba abahamagaye hakiri kare cyane bizatuma bitegura neza kuko bazakomeza gukurikirwanwa mu myitozo bazakora bimenyereza.

 

Mu myitozo yakorewe i Huye, hari harimo n’icyiciro cy’abakobwa ndetse n’abahungu batarengeje imyaka 17 na 20 ariko abo azatoranyamo muri ibyo byiciro bazatangazwa mu minsi iri imbere. Bose hamwe bari 42.

 

Iki gikorwa cyo gutoranya abakinnyi, Bitok yagifashijwemo n’abandi batoza bazamura abana mu Rwanda Nkusi Leonard bita Shinani, Mbanza Sylvester na Siborurema Florien.

 

Dore abakinnyi 20 Bitok na bagenzi be batoranyije:

 

Mutabazi Bonny (NUR), Aimable Mutuyimana (KVC), Fred Musoni (APR), Biyenzi Bienvenu (INATEK), Murangwa Nelson, Bonane Emmy, Iradukunda Isaac, Niyibizi Claude, Muvunyi Fred, Mutabazi Yves, Byishimo Moses (GSOB), Rudakubana Patrick (Christ Roi), Nsabimana Ivan (Lycee de Kigali), Ruzindana Patrick, Rugira Barrack, Munyinya Justin (St. Joseph), Umuhire Peter (Lycee de Nyanza), Ndacyayisenga Jean Claude na Nkuranga Aimable (Saint Joseph Kabgayi).

 

 

 

Share Button