Davite Giancarlo, ku cyumeru tariki 11/12/2011, yegukanye ku nshuro ya gatatu isiganwa ry’amamodoka ryitiriwe imisozi igihumbi.

 

Uyu mugabo utwara imidoka yo mu bwoko bwa SUBARU Impreza N11 ni we wasize abandi muri iri siganwa ryabaye ku nshuro ya 29 aho abatwara imodoka basiganwe intera ingana na Kilometero 165. Yakoresheje isaha imwe, iminota 30 n’amasegonda 50.

 

Ubu ni ubwa gatatu Davire Giancarlo aba uwa mbere mu isiganwa ryitiriwe imisozi igihumbi kuko yanatwaye igikombe muri 2008 na 2009. Uyu mugabo akomoka mu gihugu cy’Ubutaliyani ariko akaba akinira nk’Umunyarwanda.  Giancarlo akunze kuba uwa mbere muri KCB Rwanda Mountain Gorilla Rally na Memorial Gakwaya ibera i Huye.

 

Uretse kuba abaye uwa mbere muri shampiyona y’u Rwanda, uku kwitwara neza byafashije Davite kongera amanota atuma agira mwanya mwiza ku rutonde rw’abakinnyi b’umukino w’amamodoka muri Afurika ndetse no ku isi.

 

Felekeni  Mayaka na Johny Murengezi batwaye umwanya wa gatatu n’umwa kane.

 

 

 

 

Share Button